മണ്ടന്മാര് കേരളത്തില്
നമസ്കാരം. കുറച്ചു ദിവസങ്ങള്ക്കു മുന്പെ കേരള ജനതയെ ആകമാനം കൊരിത്തരിപ്പിച്ച ഒരു തീരുമാനം നമ്മുടെ കേരള സര്ക്കാര് എടുത്ത വിവരമറിയമോ? നമ്മുടെ കേരള രാജ്യത്തില് കൊക്ക കോളയും പെപ്സിയും നിരോധിച്ചു! കാരണമെന്തന്നൊ? അവയില് കീടനാശിനി ഉണ്ടു പോലും! ഇത്രയും പ്രജകളോടു സ്നേഹമുള്ള സര്ക്കാര് ലോകത്തെവിടെയെങ്കിലും ഉണ്ടോ മാലോകരെയ്?
ആരാണു ഇങ്ങനെ കീടനാശിനി ഉണ്ടെന്നു പറഞ്ഞത്? പണി ഒന്നും ഇല്ലാതെ ഇരിക്കുന്ന ഒരു കൂട്ടം പരിസ്തിതി തീവ്രവാദികള് ഡില്ലി മഹാരാജ്യത്തില് ഇരിപ്പുണ്ട്. അവന്മാര് മിക്കവരും പെപ്സി/കോക്ക് തുടങ്ങിയവയുടെ അടുത്ത് പിരിവിനു ചെന്നു കാണും. കിട്ടിയില്ല എന്നു പ്രത്യേകം പറയണോ!
ഇനി നമ്മുക്ക് തിരുവനന്തപുരം നഗരത്തിലെ ലക്ഷക്കണക്കിനു ആള്ക്കാര് കുടിക്കുന്ന വെള്ളം എങ്ങനെയെന്നു നോക്കാം. ഈ വെള്ളം പമ്പ് ചെയ്യുന്നത് അരുവിക്കര എന്ന സ്ഥലത്തു നിന്നാണ്. അവിടെ പോയാല് വെള്ളത്തില് ഇഷ്ടം പോലെ ചത്ത പശുക്കളും മനുഷ്യന്റെ തീട്ടവും ഒഴുകി നടക്കുന്നത് കാണാം! പിന്നെ കുടിക്കുന്നവര് പെട്ടെന്നു തട്ടിപോകാതിരിക്കാന് കുറെ ലോഡ് ക്ക്ലോറിന് കൂടെ ചേര്ത്തു അങ്ങു പമ്പ് ചെയ്യും! ചില മണ്ടമാര് വിചാരിക്കുന്നതു ക്ക്ലോറിന് ഇട്ടാല് കീടനാശിനികള് വരെ ഉരുകി പോകും എന്നാണ്!
ഇതിന്റെ എറ്റവും വലിയ രസം ഇതാണ്. എറ്റവും സുരക്ഷിതമായ വെള്ളം ഭൂഗര്ഭ ജലം ആണല്ലോ?. അതെടുത്താണു പ്ലാച്ചിമടയില് കൊക്ക കോള ഉണ്ടാക്കുന്നത്. അതു കൊണ്ടാണല്ലോ അവിടെ സമരം കൊടുമ്പിരിക്കൊള്ളുന്നത്?
ഇപ്പോള് പഴയ സോഡാകള് രംഗത്തിറങ്ങിയിട്ടുണ്ട്. ഈ സോഡാകള്ക്കൊരു ഗുണമുണ്ട്. പലതും ഓടയില് നിന്നുള്ളതാണ്. വയറിളക്കാന് ഡോക്ടര്മാര് ഇപ്പോള് കുറിച്ചു കൊടുക്കുന്നത് ഈ ലോക്കല് സോഡാകള് ആണത്രേ!